Элсэлтийн Ерөнхий Шалгалтын алдаа мадгууд
3:18 AM

Саяны хэдэн өнгөрөгч хоногуудад 40-өөд мянган шалгуулагчид Элсэлтийн Ерөнхий Шалгалт өгч бужигналдан ямар дээд сургуульд орохоо Боловсролын Үнэлгээний Төвөөр шийдүүлэх гэв. Тестийн арга нь их дээд сургуульд элсэгчдийг шалгаруулан авах барьцтай болоод түгээмэл арга боловч, шалгуулагчдын мэдлэгийг хэр үнэн зөвөөр шалгадаг нь олон улс даяар маргаантай асуудал байсаар ирсэн. Гадаад улс орнуудад эрдэмтэд тестийн асуултуудад өндөр шаардлага тавин, тэдгээрийгээ шинжлэх ухааны аргаар боловсруулаад байхад маргаан гардаг бол хичээл бүрийн шалгалтаас нь алдаанууд ундраад гараад байдаг Монголын элсэлтийн шалгалтыг бид юу гэх вэ? Алдаатай асуултуудаар бялхах энэ хэдэн цаас Монголын олон мянган төгсөгч хүүхдүүдийн ирээдүйг шийдэх эрхтэй юу?

Бусад хичээлүүдтэй харьцуулахад арай гайгүй мэддэг юм гэсэндээ Англи хэлний хичээлийн шалгалтыг, надад таарсан нь юм болохоор "С" вариантыг нь, толь бичиг, нэвтэрхий толиуд барьж байгаад нягталж үзэх гэж оролдов. Үүний үндсэн дээр долоон зүйлийн, нийт 22 онооны (шалгалт нь нийт 100 оноотой) жинтэй даалгаврыг алдаатай буюу зохимжгүй гэж үзэж болохоор байна гэсэн дүгнэлтэнд хүрсэн юм.

Эдгээрээс хамгийн ноцтой алдаа нь шалгалтын сүүлийн ажил буюу жил бүр уламжлал болон ирдэг "графиктай" даалгавар дээр байна. Энд хүүхдүүд график дээрх мэдээлэлтэй танилцаад доор нь байгаа асуултуудад хариулах ёстой байдаг. Харамсалтай нь шалгалтыг зохиогч эрдэмтэн мэргэд маань шалгалтаа хар цагаан принтэрээр хэвлэдгээ мартсан бололтой юм. График дээрх бүх өгөгдлүүд нэг ижил саарал өнгөөр хэвлэгдчихсэн учраас энэхүү 10 онооны үнэ цэнэтэй чухал даалгавар ёстой л нэг "будаа" болж байна. Гэхдээ хүүхдүүд бид бас мөчөөгөө шууд өгсөнгүй; өгөгдсөн асуултууд, боломжит хариултуудыг нь ашиглан өнгөгүй графикаас өнгө гаргаж ирэхэд оюунаа дайчилсан. Бас бүтдэггүй шүү, яаж ч бодсон л зарим асуулт нь саарал графиктай таараад зарим нь таарахгүй байна. Эцэст нь шалгалт зохиогчдын бодлыг унших гэж оролдоод даалгаврыг орхив.

Ийнхүү шалгалт зохиогчдод итгэл алдарсан би шалгалтын бусад даалгавруудад хатуу сэтгэлээр хандаж, хөөрхийсүүд рүү хүйтэн харц хаялах боллоо. Бас болоогүй байжээ, энд тэндээс царай муутай алдаанууд, хоёр хариутай, эсвэл огт зөв хариугүй тахир дутуу асуултууд ярзайж байна. Эдгээрт хариулахдаа бас бүтээсэн хүмүүстэй нь телепатик аргаар холбогдох гэж оролдоод хариултын хуудсан дээрээ алсаас тархинд минь ирсэн хариугаа "буудаж" будаж тавилаа.

Англи хэлний "С" вариантаар Англи хэлний мэдлэгээ (бас шалгалт зохиогчдын бодлыг унших чадвараа) шалгуулсан миний сэтгэгдэл нэг ийм байна. Алдаатай гэж үзсэн асуултуудаа би нотолгоо, баримт юутай нь бүрдүүлээд БҮТ-д өгсөн байгаа. Миний бүрдүүлж өгсөн өргөдөлөрхүү гомдолтой танилцмаар байвал энд дараад татаад авч болно. БҮТ гомдолд минь хэр хурдан хариулахаас шалтгаалаад энэ блог дээрээ асуудал хэрхэн шийдэгдэж байгаа талаар аль болохоор хурдан бичих болно.

PS. Өөр бусад хичээлийн материалууд дээр алдаа олсондоо өөртөө бүрэн итгэлтэй байгаа бол багш нартайгаа зөвлөлдөж байгаад гомдол бичээрэй. Элсэлтийн энэ шалгалтуудаас олон мянган хүүхдийн хувь заяа хамаарч байгаа билээ.

11 сэтгэгдэлтэй:

Enghebatu said...

За ямар ч л байсан чамд баяр хүргэхийн сацуугаар чамаар бахархаж байна.

Хамгийн гол нь энэ бүх алдааг БҮТ-д өгсөн чинь сайн байна. Би ч бас сая орж материалыг нь харлаа.

Үгсийн сангийн хэсгийн зургаадугаар асуултыг алдаа гэж үзэхгүй байж болох юм. "orange peel" нь зөв. "skinning"-г албаар ингэж төөрөгдүүлэх гэж оруулсан байх.

Бусад нь бол үнэхээр алдаа байна. Дээр чиний хэлснээр "Алдаатай асуултуудаар бялхах энэ хэдэн цаас Монголын олон мянган төгсөгч хүүхдүүдийн ирээдүйг шийдэх эрхтэй юу?" гэдэг л болж байна.

Боловсруулсан хүмүүс нь засч залруулах байх гэж найдъя.

Билгүүн said...

За баярлалаа. :)

Эртээд нэг номон дээр "skinning oranges" гээд уншиж байсан болохоор нягталж үзэх гээд харсан чинь толь бичгүүдийн дагуу "orange skin" болон "skinning oranges" гэж хэлэхэд алдаагүй болох юм билээ. Угтаа "хальслах" "арилгах" "цэвэрлэх" гээд тавьчихаад аль нь зөв бэ гээд байгаатай ижил. Гэхдээ шалгалт зохиож байгаа хүмүүс нь "skinning"-г зөв байж болохыг мэдэлгүй нэг буруу хариултын нөхөөс болгох гэж л тавьсан байх л даа.

Amarsanaa said...

тайлбартаач зөв дүгнэлт хийж, ер нь иймэрхүү байдлаар бүтээлч шүүмжлэл хийж байх, нөгөө тал нь ч үүнийг талархан хүлээж авах хэрэгтэй. Энэ блогийг байнга дагая байз

KAI said...

Үнэхээр чиний зөв байна шүү. Бэлдсэн өргөдлийг чинь уншилаа.

Гэгээний Алимаа эгчийн блогоос чиний блогийн талаар олж мэдлээ. Сайхан, үр өгөөжтэй блог нээжээ. Би мастерт сурах санаатай Жимат-д бэлдэж байгаа юмаа. Чиний блогоос унишиж, зөвлөгөө авах зүйл зөндөө байна. Боломж гарах бүртээ уншиж байнаа. Тэр бүр comment бичээд байж чадахгүй ч хэрэгтэй зүйлээ олж уншиж, аваад явдаг улсууд зөндөө байгаа шүү над шиг. Боломж гарахаар бичээд байгаарай.

Good luck!

Good luck

Anar said...

Hey Bilguunee ingeed US giin college umu universtiy apply hiihed 9-11 angiin gerchilgee toefl,sat iin resultaas shaltgaalaad.
ELSELTIIN SHALGALT NTR heregtei umu?

Anar said...

eronhiido ESH hereggu zde?

Уламмандахын Билгүүн said...

Anar-д,
9-11-н дүнгүүд, TOEFL, SAT хэрэгтэй. ЭЕШ-н дүн хамаагүй.

munkhgal_ugsaatan said...

Зөв юм бичжээ. татаад авчлаа үзнэдээ хэхэ.
Ийм гоё үнэхээр бүтээлч хэрэгтэй юм хийсэнд баярлалаа

Anonymous said...

Монголын бүх оюутан сурагчид чам шиг ийм ухаантай, сэргэлэн, зөв хүмүүжилтэй, сурах хүсэл эрмэлзэлтэй байгаасай :) Ямар ч гэсэн манай доод үеийн хүүхдүүд илүү ухаантай байгаад баярлаж байна. Улам их амжилт хүсье, эрдэм мэдлэгээ сайн түгээгээрэй

Anonymous said...

амжилт

D Entertainment said...

đứa con ông mới được hai tuổi thì toàn thân trở nên tím bầm rồi chết . Ước mơ của ông là trợ giúp ta trở thành vua của thú nhân tộc , để bảo vệ ta , cũng không muốn liên quan đến những người khác , ông dặn ta không được nói bí mật của ta cho bất kỳ người nào được biết . Sau này ông chết đi trong một trận đánh với loài người . Không có thúc thúc bảo vệ , trong mười lăm năm ta không ngừng trốn chui trốn lủi trong lãnh địa của thú nhân tộc , thậm chí cũng không dám liên lạc với những thân nhân trong bỉ mông tộc , bởi vì ta không muốn liên lụy tới bất kỳ người nào nữa . Cuối cùng ta cũng đã trốn thoát khỏi Lôi thần bộ lạc và tiến vào thế giới loài người .

Trong mắt Tử lóe lên sự thương cảm và phẫn nộ :
- Khi đó ta đã đồng tâm
game mu
cho thuê nhà trọ
cho thuê phòng trọ
nhac san cuc manh
số điện thoại tư vấn pháp luật miễn phí
văn phòng luật
tổng đài tư vấn pháp luật
dịch vụ thành lập công ty
http://we-cooking.com/
chém gió
trung tâm tiếng anhnghĩ phải rời Lôi thần bộ lạc càng xa càng tốt , để bản thân có thể an toàn , khi ta hoàn toàn phát triển mới trở về , bắt những kẻ thù của ta phải hứng chịu hết thảy những cay đắng mà ta đã phải trải qua . Vì thế ta đi về phía nam , đến A tạp địch á . Khi ta đi qua Bích không hải vừa lúc nghe được tiếng đàn của ngươi . Lúc đó do ta còn bé nên thân thể cũng phát triển chậm rãi , nhìn qua cũng chỉ tương đương tầm tuổi ngươi mà thôi . Hình dáng của Tử tinh bỉ mông chúng ta rất giống loài người , chỉ đến khi trưởng thành mới có thể huyễn hóa thành bản thể , bình thường muốn sử dụng hết thực lực còn

Post a Comment